O horario da recollida de lixo adiántase os días de Noiteboa e de Fin de Ano

21 de decembro de 2018. Os días de Noiteboa e de Fin de Ano haberá cambios no servizo de recollida do lixo, o obxectivo é permitirlles ós traballadores que poidan pasar esas noites na compaña das súas familias.

 

Polo tanto, os días 24 e 31 a recollida comezará ás 15 horas e rematará ás 19 horas. Nesa mesma franxa horaria realizarase a recollida dos cartóns nos comercios. Por outra parte, o día de Nadal a empresa de recollida de lixo realizará o servizo propio de domingos e festivos. 

 

Cómpre destacar que no caso dos domingos 23 e 30 de decembro, os traballadores non retirarán os cubos das rúas. Esas dúas xornadas si se realizará a recollida de lixo, pero os cubos quedarán xa colocados para axilizar as tarefas o día de Noiteboa e Fin de Ano.

 

A concellería de Medio Ambiente lamenta as molestias que puideran derivarse deste cambio e, ó mesmo tempo, pídese a colaboración de todos os veciños e dos comerciantes.

 

O servizo de recollida de lixo volverá ó seu horario habitual os días seguintes destas datas festivas.