Esta web utiliza cookies, puedes ver nuestra la política de cookies, aquí Si continuas navegando estás aceptándola
Política de cookies +
25 - Febreiro - 2018  |  0:45:37
Aviso Legal  |  Portada
Web en Galego GALEGO    |    Web en Castellano CASTELLANO    |    English Version ENGLISH

A Xunta de Goberno local aproba as bases dos concursos de traxes e decoración da Feira Medieval

06/02/2018 - Cultura

O programa da XVI Feira Medieval de Monforte, que se vai celebrar os días 31 de marzo e 1 de abril, inclúe un ano máis, a celebración do concurso de decoración de balcóns, de establecementos comerciais e hostaleiros así como de traxes medievais.

 

As persoas interesadas en participar nestes concursos terán que inscribirse previamente no Rexistro Xeral do Concello. O prazo para facelo comeza o 9 de marzo e estará aberto ata o 26 do mesmo mes.

 

IV Concurso de decoración de balcóns

 

O Concello premiará os tres mellores balcóns que, pola súa ambientación medieval, merezan a consideración do xurado. O primeiro premio será de 100 euros, o segundo de 75 e o terceiro de 50 euros.

 

O obxectivo é animar ós monfortinos a participar no desenvolvementos dos actos organizados co gallo da Feira Medieval. Á hora de decidir os gañadores, o xurado vai valorar a idea, os materiais empregados e a estética, entre outros aspectos.

 

V Concurso de decoración de establecementos comerciais e hostaleiros

 

Neste caso, tamén se van premiar os tres establecementos que mellor ambientados estean no medievo. O primeiro premio será de 200 euros, o segundo de 100 e o terceiro de 75 euros. 

 

VII Concurso de traxes medievais

 

O obxectivo deste concurso é premiar os mellores traxes medievais que luzan os participantes inscritos. Haberá dúas modalidades:

 

Adultos

·         Individual

·         Parellas

·         Grupos (a partir de 5 compoñentes)

 

            Infantil (ata 12 anos)

 

  •  Individual
  • Parellas
  • Grupos (a partir de 5 compoñentes)

 

No caso do concurso de traxes, a contía dos premios oscila dente os 25 euros ata os 275. 

 

Por outra parte, cómpre destacar que aínda está aberto o prazo para solicitar a participación na XVI Feira Medieval. O prazo para facelo remata o vindeiro 19 de febreiro.

 

A lista de admitidos vaise facer pública o 5 de marzo, xunto coas indicacións para facer efectivo o prezo da inscrición.

 

A XVI Feira Medieval admitie tres modalidades de postos: alimentación, artesanía e comercio. Terán prioridade as solicitudes de vendedores/as de Monforte, así como aqueles postos de artesanía con carta de artesán/á.

 

As persoas interesadas en participar deben dirixirse á oficina da Axente de Emprego e Desenvolvemento local situada nas Casiñas da Compañía (982 884 775 - 698 181 551).


    Documentación AdicionalDocumentación Adicional


    Libro Lois Pereiro #2015anoLoisPereiro
    Novas Axudas ARI
    Escudo do Concello de Monforte de Lemos

    (c) Concello de Monforte de Lemos
    Campo Santo Antonio S/N
    27400 Monforte de Lemos (Lugo)
    Tlf. 982 40 25 01

    Consultas e Soporte Web:
    webmaster@monfortedelemos.es
    Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
    Programación e Deseño Web: Ainet Consulting