Esta web utiliza cookies, puedes ver nuestra la política de cookies, aquí Si continuas navegando estás aceptándola
Política de cookies +
22 - Abril - 2018  |  4:35:45
Aviso Legal  |  Portada
Web en Galego GALEGO    |    Web en Castellano CASTELLANO    |    English Version ENGLISH

O Concello repartirá compostadores domésticos para reducir a cantidade de lixo nos fogares

16/04/2018 - Novas de Monforte

O Concello de Monforte aposta por reducir a cantidade de lixo xerado na cidade, e para logralo, a administración municipal, en colaboración con SOGAMA, impulsará a compostaxe doméstica. En concreto, o Concello ten previsto distribuír entre os fogares da zona urbana de Monforte 25 compostadores domésticos; cada un deles terá unha capacidade de 350 litros.

 

O Alcalde, José Tomé, explica que “a pretensión é reducir a xeración de residuos, posto  que a fracción orgánica, é dicir, os restos de comida que se orixina nas nosas vivendas, constitúe case a metade do contido da nosa bolsa do lixo. Se producimos compost, isto tradúcese na redución do lixo que se transporta e deposita nos vertedoiros”.

 

O rexedor engade que con esta actuación “aportamos o noso gran de area para entregar a Sogama unha cantidade de lixo inferior, o que se traduce tamén nunha diminución do importe da factura a pagar a esta empresa pública”.

 

Para iso, a partir de mañá, o Concello abre un prazo para confeccionar unha lista de veciños interesados en acceder ó programa de compostaxe dos residuos orgánicos e, deste xeito, poder conseguir, sen ningún coste, un compostador: “as persoas interesadas terán que dirixirse ó Rexistro Xeral do Concello e solicitar o modelo de instancia a cubrir, que tamén se poderá descargar a través da páxina web”, explica o mandatario local.

 

O prazo para presentar a solicitude estará aberto ata o vindeiro 14 de maio.  As persoas que accedan ó programa de compostaxe deberán realizar un cursillo específico impartido por técnicos, e ademais, disporán dun servizo de asesoría permanente para resolver as dúbidas. Para recibir máis información, poden contactar co técnico municipal de Medio Ambiente no teléfono 628 115 309.



    Libro Lois Pereiro #2015anoLoisPereiro
    Novas Axudas ARI
    Escudo do Concello de Monforte de Lemos

    (c) Concello de Monforte de Lemos
    Campo Santo Antonio S/N
    27400 Monforte de Lemos (Lugo)
    Tlf. 982 40 25 01

    Consultas e Soporte Web:
    webmaster@monfortedelemos.es
    Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
    Programación e Deseño Web: Ainet Consulting