Monforte de Lemos, 26 de febreiro de 2026. O Alcalde de Monforte, José Tomé Roca, visitou hoxe as novas instalacións do Ximnasio Municipal de A Pinguela, e anunciou a data de apertura do mesmo, que se producirá o vindeiro luns, 2 de marzo, mantendo o mesmo horario que a Piscina Municipal. A posta en funcionamento deste servizo prodúcese unha vez finalizados os traballos de subministro e montaxe do novo equipamento deportivo, adxudicado por un importe de 106.791,98€ á empresa Jonhson Health Technologies SL..
O rexedor, que estivo acompañado neste acto pola Tenente Alcalde, Gloria Prada, e os Concelleiros de Medio Ambiente, Obras, Medio Rural e Servizos, José Luis Losada, e Deportes, José Manuel Mougán, ademais do técnico municipal de Deportes, Óscar Rodríguez, apuntou que coa apertura do novo Ximnasio “completamos a renovación integral do Complexo Deportivo da Pinguela”, unha remodelación das infraestruturas deportivas que comezou en 2023 coa reforma integral do Pavillón Polideportivo e continuou coa nova Piscina Municipal, inaugurada en outubro de 2025. “Con estas actuacións, que xuntas supuxeron unha inversión de 6M€, Monforte pode presumir agora dun complexo deportivo único, eficiente e moderno”, destacou o Alcalde.
Así mesmo, anunciou que o Concello xa está traballando na elaboración da documentación e estudios para redactar as bases para a xestión da cafetería que dará servizo a todo o complexo deportivo, “co fin de licitar o contrato nos próximos días e resolver o concurso o antes posible para que todos os usuarios poidan utilizalo”, indicou.
300 m2 e cinco zonas de adestramento
A posta en marcha do Ximnasio, incidiu o Alcalde, “completa a oferta deportiva do renovado Complexo Deportivo Municipal de A Pinguela e pon a disposición dos veciños e veciñas un servizo que gaña en superficie e funcionalidade respecto do anterior”.
A nova sala, situada na zona sur da edificación, conta cunha superficie útil de 300 m2 distribuídas en cinco zonas de adestramento:
1. Zona Cardiovascular, composta por 5 cintas, 3 elípticas, 6 bicicletas verticais e 1 bicicleta horizontal, todas elas orientadas cara unha ampla cristaleira con vistas ao exterior co fin de facer máis agradable a práctica deportiva.
2. Zona de máquinas de musculación selectorizadas, que permiten aos usuarios seleccionar o peso a través da pila de pesos dispoñible na máquina. Esta zona está composta por:
- Prensa de pernas horizontal
- Extensión de cuádriceps
- Femoral sentado
- Máquina dual contractora de pectoral e espalda alta
- Press de peito
- Press de ombreiro
- Pull de espalda
- Curl de bíceps
- Extensión de tríceps
- Multicadeira
- Multiestación de poleas con 4 estacións
3. Zona de peso libre, composta por:
- Press banca plano
- Press superior
- Press de ombreiro
- Multipower
- Banco scott para biceps
- 4 bancos regulables
- Halteras de diferentes pesos
4. Zona de adestramento funcional composta por tres módulos que incorporan 2 poleas regulables en altura, 3 barras de dominadas multiagarre e anclaxes estáticos a diferentes alturas para realizar multitude de exercicios. Esta zona funcional complétase con material diverso, como balóns funcionais e kettlebells de diferentes pesos, gomas elásticas de diferentes resistencias, fitballs, bosu e TRX.
5. Zona de estiramentos dotada con 18 colchonetas.
Ademais do subministro de máquinas de musculación e cardiovasculares, adxudicado á empresa Jonhson Health Technologies SL, o Concello de Monforte completou o equipamento do Ximnasio Municipal coa dotación de espellos na zona de peso libre, pequeno material funxible de adestramento e un reloxo dixital, que suman unha aportación de 7.253,12€ repartidos do seguinte xeito:
- Espellos na zona de peso libre: 4.939,20€
- Pequeno material funxible de adestramento: 1.861,92€
- Reloxo dixital: 452,00€
A inversión completa no equipamento do Ximnasio Municipal ascende así a 114.000€.
Un monitor encargado do Ximnasio, de luns a venres
O Ximnasio Municipal manterá o mesmo horario de apertura que a Piscina Municipal, como xa acontecía antes da remodelación integral das instalacións. Deste xeito, o horario será o seguinte:
- Luns a venres: de 7:30 a 14:00h. e de 15:00 a 23:00h.
- Sábados: de 10:00 a 14:00h.
- Domingos e festivos: de 10:30 a 14:30h.
Outra das novidades que incorpora o Ximnasio Municipal é a presenza dun monitor encargado de velar polo bo funcionamento da sala, así como de asesorar sobre o funcionamento dos diferentes equipos a todas aquelas persoas usuarias que o precisen.
Esta persoa estará presente na sala, de luns a venres, no seguinte horario:
- Luns: de 10:00 a 13:00 h e de 17:00 a 21:00 h.
- Martes: de 9:00 a 10:00h, de 11:00 a 14:00h, e de 17:00 a 21:00h.
- Mércores: de 10:00 a 12:00h e de 17:00 a 21:00h.
- Xoves: de 9:00 a 12:30h e de 17:00 a 21:00 h.
- Venres: de 10:00 a 11:00 h, de 12:00 a 13:00h e de 17:00 a 21:00 h.