8/8/2023 O día 15 de agosto celebramos o día grande das Festas Patronais, o día da Patroa, a Virxe de Montserrat. As autoridades acompañadas da Banda de Gaitas e do Grupo de Baile Tradicional do Concello de Monforte diríxense da Praza de San Antonio á igrexa da Régoa para celebrar a misa, cantada pola coral municipal, e ofrenda floral á Patroa da cidade.
San Vicente do Pino, un dos emblemas da cidade, convértese en protagonista a media noite acollendo os tradicionais fogos artificiais. A noite do día grande, Monforte énchese de luz e festa, que atrae cada ano a numerosos visitantes dispostos a ver o espectáculo que ilumina o Mosteiro de San Vicente e a súa Torre da Homenaxe.
E se a imaxe da noite do 15 está feita para quedar gravada na memoria, o mesmo acontece coa da noite do 16 en que se celebran os fogos artificiais de auga. Ás 00.00 da noite, o Cabe, a carón da Ponte Vella, acolle esta cita que congrega a centos de persoas para gozar das mesturas que a luz fai coa auga.
A continuación a programación completa das Festas Patronais de Monforte de Lemos para os días 15 e 16 de agosto.
Martes, 15 de agosto
10.00h Lanzamento de 21 bombas de palenque
10:00h DÍA DE LA PATROA Reunión das autoridades e personas interesadas para subir á Régoa.
11:00 h MISA E OFRENDA FLORAL Á VIRGEN DE MONTSERRAT
11:00h DÍA DEL GAITEIRO desde a Praza de España polas rúas da cidade. Participantes: REDEGAITA, O CEGO DA VENEIRA, OS XOGRARES, MERENZAO, LEMAVOS 1, LEMAVOS II
13:00h CONCENTRACIÓN DOS GRUPOS TRADICIONAIS NO CENTRO DA CIDADE NO DÍA DO GAITEIRO
20:15h PASARRÚAS dos grupos participantes na Mostra de Danza e Música Tradicional desde o campo da Compañía ata a praza de España.
20:30h MOSTRA DE DANZA E MÚSICA TRADICIONAL na praza de España coa actuación das formacións participantes.
20:30 h GRUPO DE BATUKADA BATURRUCA, desde A Pinguela ao centro da cidade
23:00h VERBENA NA COMPAÑÍA CO GRUPO TEKILA.
23:30h BARCAS ENGALANADAS NO MALECÓN
00:00h FOGOS ARTIFICIAIS DE AIRE DESDE SAN VICENTE
00:30h CONCERTO DE TANXUGUEIRAS NA COMPAÑÍA
02:00h VERBENA CO GRUPO TEKILA
Mércores, 16 de agosto
12:00 h IX FESTIVAL CÓMICO FESTIVO A RÚA É VOSA: MAGO PACO na rúa Cardenal, clown e magia.
13:00 h IX FESTIVAL CÓMICO FESTIVO A RÚA É VOSA: N + 1,, acrobacias aéreas, danza e clown na Praza de España.
19:00 h IX FESTIVAL CÓMICO FESTIVO A RÚA É VOSA: MAGO PACO na rúa Cardenal, clown e maxia.
20:00 h IX FESTIVAL CÓMICO FESTIVO A RÚA É VOSA: N + 1, acrobacias aéreas, danza e clown na Praza de España.
20:30 h O GRUPO DE BATUCADA XOGRARES DE LEMOS fará amenización desde o barrio dos Chaos ao centro da cidade.
23:00 h VERBENA NA COMPAÑÍA CON RITMO JOVEN
00:00 FOGOS ARTIFICIAIS DE AGUA DESDE O MALECÓN
00:00h CONCERTO NA COMPAÑÍA DE LUZ CASAL.
02:00 h VERBENA NA COMPAÑÍA CON RITMO JOVEN.
O resto da programación nesta mesma páxina, na nova da presentación do Programa das Festas e no Facebook do Concello de Monforte de Lemos.