Exposición Casa da Cultura Poeta Lois Pereiro
AMERICA UNTITLED Adrián Otero Vila
Do 16 ao 30 de novembro, inauguración venres 16 ás 19:00 h
"America Untitled" é unha colección de imaxes feitas no oeste americano, por Adrián Otero Vila. O traballo naceu do amor polas paisaxes do oeste dos Estados Unidos, unha admiración que empurrou ao fotógrafo ata o cume de volcáns, desertos remotos, a camiñar centos de quilómetros por bosques, a camiñar sobre lagos conxelados, e a refuxiarse no coche no medio de grandes tormentas de neve.
Sen importar a situación, e sempre cunha cámara ao lado, "America Untitled" é o resultado de anos de traballo e esforzo, así como miles de millas na estrada nos vastos espazos que un se atopa en sitios coma Oregón, Idaho ou Arizona, ata un total de 25 estados.
"America Untitled" é un traballo de 45 imaxes, feitas cunha cámara analóxica tradicional e empregando película en branco e negro. Unha estrita selección de entre os 250 rollos de formato medio empregados.
Natural de Monforte de Lemos, e tras pasar uns anos en Estados Unidos, o fotógrafo está a mostrar o seu traballo "American Untitled" en Galicia.
