O vindeiro xoves 7 de maio o Concello de Monforte de Lemos convoca o tradicional concurso dos Maios, a concentración dos maios e a lectura das coplas será na praza de España ás 17:30 h.
As solicitudes para a inscrición no concurso non competitivo dos maios, así como das coplas, deberán presentarse para a súa participación no Rexistro Xeral do Concello de Monforte ata o 4 de maio.
O xoves 7 de maio comezan as representacións do XXXIII Certame Municipal de Teatro para Centros de Ensino de Monforte.
Os centros participantes nesta edición son o Colexio P. Ferroviario, o CEIP de Monforte Colexio Novo, os IES A Pinguela, Daviña Rey e Río Cabe e o CEIP A Gándara.
As obras e os días de representación son:
CEIP A Gándara Acabouse a guerra 7 maio
IES Río Cabe Esmoleiros 8 maio
IES A Pinguela A casa 11 maio
Colexio P. Ferroviario A gatipública 14 maio
IES Daviña Rey O velorio 18 maio
CEIP de Monforte Hoxe hai función 19 maio
Todas as representacións son na Casa da Cultura Poeta Lois Pereiro ás 20:00h e a entrega de premios e diplomas será o mércores 27 de maio ás 18:00h.
Actividades das LETRAS GALEGAS 2026 -Concello de Monforte de Lemos
XXI Concurso de Deseño de Carteis Festas Patronais de Monforte de Lemos 2026
Dentro das actividades da Delegación de Cultura do 2026 está o XXI CONCURSO DE DESEÑO DE CARTEIS FESTAS PATRONAIS, seguindo as bases aprobadas pola Xunta de Goberno Local o 16 de marzo de 2026 e rematado o prazo de presentación de orixinais, o xurado reuniuse o luns 11 de maio de 2026 no salón de plenos do Concello para realizar o devandito concurso.
Vistas as bases do CONCURSO DE DESEÑO DE CARTEIS FESTAS PATRONAIS 2026.
O xurado cualificador logo de ver e cualificar todas as obras presentadas emitiu a súa correspondente acta xunto coa relación do premiado.
Pesudónimo: LUZ DA FADA
Nome: JESSICA DENISE BAZAES LATRILLE