Monforte de Lemos, 16 de decembro de 2025. O Alcalde de Monforte, José Tomé Roca, deu a coñecer este martes, 16 de decembro, a resolución do xurado correspondente ao tradicional Concurso de Beléns para Centros de Ensino de Monforte de Lemos, dentro da programación do Nadal 2025-2026. Concedéronse dous primeiros premios, dous segundos e un terceiro, que suman un total de 575 euros repartidos entre cinco centros educativos da cidade.
Os premiados son os seguintes:
1º premio Colexio A Gándara 150€
1º premio CEIP de Monforte 150€
2º premio Colexio PP Escolapios 100€
2º premio IES A Pinguela–Ciclo Básico de FP Tapizaría e Cortinaxe do Departamento de Téxtil, Confección e pel 100€
3º premio Escola Oficial de Idiomas 75€
O xurado percorreu os centros participantes este luns, 15 de decembro, para valorar os beléns presentados tendo en conta aspectos como a orixinalidade, o traballo e a presentación artística. Segundo as bases do concurso, puntúase de xeito individual a montaxe, elaboración, os materiais empregados, orixinalidade, interese etnográfico e calidade do belén.
O Alcalde, José Tomé, valora a calidade dos traballos presentados e agradece a participación dos centros educativos neste certame que xa é unha cita referente nas festas navideñas, especialmente, para o alumnado implicado na confección das pezas e na montaxe.
