Monforte de Lemos, 2 de xaneiro de 2026. O Alcalde de Monforte, José Tomé Roca, presidiu este venres a toma de posesión como funcionarios en prácticas dos dous novos policías municipais que pasarán a formar parte do cadro de persoal do Concello de Monforte de Lemos unha vez finalicen o correspondente período de formación teórico-práctica na Academia Galega de Seguridade Pública de A Estrada e na cidade de Monforte.
Os dous novos axentes son os que obtiveron a maior puntuación no proceso selectivo previo: Aarón Lobelos Liñeiro, natural de Fisterra (A Coruña) e David Marcos Pérez, do Concello veciño de Sober.
A formación teórico-práctica durará nove meses estendéndose de xaneiro a xuño do presente ano na citada Academia, e de xullo a setembro no Concello de Monforte. Unha vez superadas ambas fases, os dous novos axentes tomarán posesión definitiva como funcionarios de carreira nas prazas asignadas no Concello de Monforte, na categoría de axente de Policía Local, grupo C1.
Acompañado pola Tenente Alcalde, Gloria Prada; o Inspector xefe da Policía Local, Miguel Martínez, e o oficial Néstor Álvarez, o Alcalde aproveitou o acto para departir cos dous novos axentes e desexarlle sorte nesta nova etapa de prácticas previa a comezar o seu traballo ao servizo da cidadanía de Monforte.