Monforte de Lemos, 28 de xaneiro de 2026. A concelleira de Cultura, Educación e Xuventude, Marina Doutón, entregou na mañá de hoxe, na Casa da Cultura Lois Pereiro de Monforte de Lemos, os premios do certame de Poesía Infantil de Nadal 2025 dirixido aos escolares dos centros educativos da cidade. Este concurso, convocado pola Biblioteca Pública Municipal en colaboración coa Biblioteca Nodal de Lugo, forma parte do Programa das Festas de Nadal do Concello de Monforte e busca dinamizar a lectura e fomentar a creatividade entre as xeracións máis novas.
A Concelleira deu conta do fallo do xurado, reunido o pasado 15 de xaneiro, e entregou os premios aos alumnos gañadores, consistentes en libros e xogos educativos. Así mesmo, Doutón agradeceu a participación de todos os nenos e nenas, así como dos profesores e profesoras implicados no certame, e animounos a continuar desenvolvendo esta labor creativa e a seguir participando nas diferentes iniciativas que dende o Concello se convocan ao longo do ano.
Relación de premiados por categorías:
Escolares de 9 a 11 anos
1º premio: Emma Álvarez Gómez, CPR Escolapios.
2º premio: Sofía Rodríguez Pérez, CPR Torre de Lemos.
3º premio: Lucía Sánchez Vázquez, CPR Escolapios.
Accésit: Martín Gómez Losada, CEIP Plurilingüe Monforte.
Accésit: Daniel Fontela Martínez, CPR Escolapios.
Accésit: José Antonio Vila Sánchez, CPR Escolapios.
Escolares de 12 a 16 anos
1º premio: Martina Rodríguez López, CPR Ferroviario.
2º premio: Ainhara Reboiro Silva, CPR Ferroviario.
3º premio: Dayma Pino Valcárcel, CPR Ferroviario.
Accésit: Celtia Rodríguez Rodríguez, CPR Ferroviario.