Monforte de Lemos, 28 de marzo de 2026. O Alcalde de Monforte, José Tomé Roca, xunto co Concelleiro de Deportes, José Manuel Mougán, entregou esta tarde o trofeo ás xogadoras do Arenal Emeve Lugo que se proclamaron vencedoras na final do Campionato Galego de Voleibol Xuvenil Feminino que se disputou este sábado no Pavillón Polideportivo da Pinguela.
A final enfrontou ás 18.30 horas ao Arenal Emeve Lugo co CV Cidade de A Coruña, logo de gañar as semifinais pola mañá contra o Korbis Lambetadas e o CV Oleiros, respectivamente. As lucenses, que xa foron campioas da Liga, fixéronse co partido no cuarto set. O equipo representará a Galicia no Campeonato de España de Clubs na súa categoría,
Clasificación
1º. Arenal Emeve Lugo.
2º. CV Cidade da Coruña.
3º. CV Oleiros
4º. Korbis Lambetadas
A competición continua mañá domingo coa Final Xuvenil Masculina que enfrontará ao Korbis Lambetadas, Arenal Emeve Lugo, CV Oleiros e CV Vigo. Ao igual que este sábado, o formato é de catro partidos coa seguinte disposición e horarios:
10.00 h: Primeira Semifinal.
12.00 h: Segunda Semifinal.
16.30 h: Partido polo 3º e 4º posto.
18.30 h: Gran Final.