Monforte de Lemos, 28 de outubro de 2026. O Concello de Monforte gardou esta tarde un minuto de silencio como mostra de apoio e respecto ás vítimas do grave accidente ferroviario acontecido esta mañá na localidade de Urda (Toledo).
O acto tivo lugar ás 20.00 horas diante da Casa Consistorial e participaron membros do Equipo de Goberno e da Corporación Municipal, traballadores e traballadoras do Concello e poboación en xeral.
A convocatoria, proposta por decreto da Alcaldía do Concello, súmase ao chamamento realizado pola Federación Española de Municipios e Provincias (FEMP), como homenaxe ás vítimas e en sinal de pésame ás familias e seres queridos das persoas falecidas.
Con este xesto, o Concello de Monforte agradece tamén a labor dos servizos médicos e de emerxencia que actuaron no lugar do accidente e de todas as persoas que colaboraron e prestaron axuda aos afectados.