Monforte de Lemos, 18 de xullo de 2025. Hoxe permanecerá durante todo o día a unidade móbil de doazón de sangue diante da Praza da Compañía para desenvolver a campaña de doazón de sangue que se pon en marcha dende (ADOS), Axencia de Doazón de Órganos e Sangue, para facilitar a toda a poboación a que doe sangue e poder acadar as 27.000 doazóns de sangue que precisan os hospitais galegos durante este verán.
A unidade móbil permanecerá durante todo o día diante da Compañía e estará operativa de 10:00 a 14:00 horas e de 16:00 a 21:00 horas.
Dende o Equipo de Goberno animamos a todas as persoas que sexan aptas para doar que se acheguen ata a unidade móbil e colaborar deste xeito entre todos a conseguir a meta fixada por ADOS para que se poida desenvolver a labor asistencial dos hospitais de forma efectiva durante estes meses de verán.
