Monforte de Lemos, 23 de xuño de 2026. O Alcalde de Monforte, José Tomé Roca, informa que veñen de ser publicadas no Boletín Oficial da Provincia de Lugo, as axudas para as asociacións culturais, lúdicas, recreativas ou formativas inscritas no rexistro municipal de asociacións co fin da realización de actividades.
UNHA NOVIDADE A TER EN CONTA PARA OS INTERESADOS, É A OBLIGATORIEDADE DE FACER A SOLICITUDE UNICAMENTE A TRAVÉS DA SEDE ELECTRÓNICA.
José Tomé Roca, subliña que se mantén o orzamento do ano 2025 despois de aumentalo un 20% mais do total que se viña destinando en pasadas edicións a este concepto.
O obxectivo a acadar é incentivar as iniciativas culturais que poidan xurdir dende as asociacións culturais, lúdicas, recreativas ou formativas, sen ánimo de lucro, de Monforte.
A convocatoria foi publicada no BOP onte, luns 22 de xuño, polo que o prazo de presentación de solicitudes xa está aberto e finalizará o día 14 de xullo do presente ano.
Neste senso, o rexedor monfortino salienta que neste ano 2026 dende o Equipo de Goberno destínanse 15.000€ para este fin, concedéndose unha única axuda que non poderá superar os 1.000 euros nin o 70% do investimento subvencionable por cada anualidade. A intención é fomentar que as asociacións culturais e lúdicas celebren actividades culturais de interese e potenciar deste xeito as iniciativas que poidan xurdir dende os distintos ámbitos da sociedade que teñan como fin difundir, promover, conservar e impulsar manifestacións culturais de todo tipo.
Requisitos para ser beneficiarios das axudas
Poderán solicitar estas subvencións todas as asociacións legalmente constituídas que desenvolvan actividades de interese xeral para o municipio, xa sexan de carácter cultural, veciñal, popular, profesional, lúdico ou recreativo, que cumpran os seguintes requisitos:
- Carecer de ánimo de lucro.
- Estar debidamente inscrita no Rexistro Municipal de Asociacións do Concello de Monforte de Lemos no momento de presentar a solicitude.
- Non ser debedor co Concello por calquera tipo de débeda de dereito público (será comprobado de oficio pola administración).
- Non ser debedor coa facenda estatal ou autonómica e estar ao corrente das obrigas coa Seguridade Social.
- Non estar incurso en prohibición para obter a condición de beneficiario de subvención públicas
- Ter xustificado debidamente as subvencións municipais recibidas con anterioridade nos termos que se fixasen nas correspondentes convocatorias.
Quedan excluídas as asociacións e Entidades Deportivas e aquelas entidades de iniciativa social debidamente autorizadas para a prestación de servizos sociais no ámbito dos servizos sociais e da inclusión social, e as que reciban no exercicio subvencións de carácter nominativo do Concello de Monforte de Lemos para as mesmas actividades.
Solicitude e documentación a achegar
Co modelo de solicitude oficial, deberá achegarse a seguinte documentación:
- Solicitude segundo Anexo I das presentes bases.
- NIF en vigor da persoa física que actúen en representación a presentar co Anexo II.
- Memoria explicativa detallada do programa de actividades que se pretenden realizar durante o 2026 con especificación da data, lugar de realización, responsables do desenvolvemento da actividade, obxectivo e fins concretos a que se destinarán os fondos, de acordo co baremo que figura no artigo 7 destas bases. Anexo III
- Orzamento de ingresos e gastos da actividade con expresión das axudas solicitadas ou concedidas por parte doutros organismos públicos ou privados. Anexo IV
- Datos bancarios da conta á que se transferirá o importe da subvención, debidamente certificada pola entidade bancaria ou certificado da titularidade. Anexo V de Rexistro de Terceiros.
- Declaración responsable da entidade solicitante no que conste as subvencións e/ou axudas solicitadas para a mesma finalidade, con expresión da súa contía, comprometéndose a comunicarlle ao Concello a concesión de calquera outra axuda de Entes públicos ou privados. Anexo VI.
- Declaración responsable de non estar incurso nas prohibicións para obter a condición de beneficiario e de non ser debedor á Facenda Estatal e Autonómica, nin á Seguridade Social. Anexo VII.
A instancia coa restante documentación solicitando a subvención, presentarase electrónicamente según o artigo 14.2 da Lei 39/2015, de 1 de outubro de Procedemento Administrativo Común das Administracións Públicas, en calquera das formas previstas no artigo 16.4 da mesma Lei.