Monforte de Lemos, 7 de agosto de 2025. O Alcalde, cumprindo co compromiso de mellorar as infrestructuras e dotacións municipais, levou á Xunta de Goberno celebrada este luns, día 4 de agosto ás 9:00h da mañá, a adxudicación do proxecto de substitución das pérgolas da Praza Ponte Fontecha e da Rúa Reboredo, polo estado deficiente de conservación no que se atopan, ao tratarse dunhas dotacións municipais de mais de 15 anos de antigüedade, e despois de sufrir o deterioro das inclemencias climáticas, ao estar no exterior e ser de madeira.
Os proxectos de execución de Substitución das Pérgolas, foron aprobados o pasado 6 de xullo e na Xunta de Goberno Local do pasado luns, 4 de agosto, foron adxudicados á empresa Extraco S.A. por un importe de 44.608,43 € IVE engadido no caso das pérgolas da Praza Ponte Fontecha e de 19.572,22 euros IVE engadido, para a substitución das pérgolas da Rúa Reboredo, con un prazo de execución de 3 meses, por ser as ofertas mais ventaxosas para o Concello, das que se presentaron para levalo a cabo.
Tal e como se describe nos proxectos de substitución das pérgolas, estes equipamentos municipais atopábanse nun estado de conservación deficiente, presentando algunhas pezas en mal estado de conservación, e con algún apoio no pavimento que presentaba deficiencias.
No caso das pérgolas da Praza Ponte Fontecha, trátase dun total de cinco pérgolas formadas por piares e vigas de madeira pintada, todas de planta cadrada, dúas delas teñen unhas dimensións de 4,70 x 4,70 m., aínda que con diferentes alturas, unha delas mide 3,90 m. de alto e a outra 3,20 m. e as outras tres, son de dimensións de 3,30 x 3,30 m., e tamén están deseñadas a diferentes alturas: 3,60 m. e 3,20 m.
Tal e como explicaba o Alcalde, as actuacións a realizar consistirán na substitución das pérgolas existentes na actualidade, por outras novas, colocadas na mesma ubicación e que terán as mesmas dimensións.
En canto as pérgolas da Rúa Reboredo, trátase de dúas pérgolas de planta cadrada, de diferentes dimensións, unha mais grande que mide 4,70 x 4,70 m e de 3,70 metros de altura e outra mais pequena, de 3,30 x 3,30 m e de 2,90 m de altura. Neste caso, tamén se manterá a ubicación e dimensións das pérgolas existentes na actualidade.
As novas pérgolas serán de aceiro inoxidable e madeira, cos piares e vigas en aceiro inoxidable, un material mais duradeiro e de mellor conservación que as actuais, e as vigas superiores serán en madeira, integrándoas no entorno no que están ubicadas e que tal e como explicaba o Alcalde, van a supoñer unha mellora moi importante na estética da cidade, no centro mesmo de Monforte.
Esta nova actuación do Equipo de Goberno, responde ó compromiso adquirido polo Alcalde de Monforte de mellorar as infraestrucutras e mobiliario urbano da cidade e que, xunto co proxecto de reforma do Parque da Compañia, cunha inversión de mais de 272.000 euros e o proxecto de urbanización da zona D, cun custe de licitación de algo mais de 421.000 euros, cambiarán a fisionomía do centro da cidade.
En total a inversión nas novas pérgolas ascende a mais de 64.000 € IVE engadido que mellorarán a estética dos dous espazos públicos da cidade.