Monforte de Lemos, 10 de marzo de 2021. Na mañá de hoxe, celebrouse no Concello de Monforte unha sesión extraordinaria da Xunta de Goberno Local na que se declarou deserto o procedemento selectivo para cubrir 3 prazas da Policía Local, logo de que ningún dos aspirantes que superara a proba teórica aprobara a parte práctica (probas físicas).
Deste xeito, tamén se decidiu nesta xuntanza da Xunta de Goberno Local aprobar a nova convocatoria dun novo proceso selectivo para a previsión das prazas da Policía Local. Neste senso, as bases que rexerán a nova convocatoria serán exactamente as mesmas que no proceso anteriormente celebrado, bases que foron informadas favorablemente pola Dirección Xeral de Emerxencias e Interior da Consellería de Vicepresidencia da Xunta de Galicia. É dicir, o novo proceso de selección rexerase polas mesmas bases e nas mesmas condicións que na anterior convocatoria.
A convocatoria publicarase nos vindeiros días no Boletín Oficial da Provincia (BOP) e o prazo para a presentación de solicitudes abrirase unha vez que sexa publicada no Boletín Oficial do Estado (BOE).