Monforte de Lemos, 26 de outubro de 2022. O Alcalde de Monforte, José Tomé Roca, recibiu hoxe na Casa do Concello a alumnos e alumnas do 2º curso de Primaria (7-8 anos) do Colexio dos Pais Escolapios, que acudiron co obxectivo de coñecer estas instalacións municipais e o seu funcionamento.
Acompañados por 2 profesores, os 40 alumnos e alumnas deste centro educativo monfortino foron recibidos polo Alcalde no Salón de Plenos, onde lles explicou o funcionamento do Concello, e sobre todo o relacionado con como é o desenvolvemento dos Plenos da Corporación municipal en dito salón.
Os estudantes tamén aproveitaron a ocasión para preguntarlle ó Alcalde sobre como desenvolve o seu día a día á fronte do Concello, sobre cantas persoas traballan no mesmo ou sobre os proxectos nos que está traballando o Equipo de Goberno. Neste senso, os nenos e nenas manifestaron o seu o seu gusto polo novo Parque do barrio do Hospital, que o Alcalde inaugurou a pasada semana.
O Alcalde, tamén lles explicou a condición de cidade condal que posúe Monforte, e outros fitos históricos como a chegada do tren a Galicia pola urbe monfortina.
Os alumnos do colexio monfortino tamén aproveitaron para coñecer as distintas dependencias da Casa Consistorial, e fixeron a foto de familia co rexedor municipal.