Monforte de Lemos, a 19 de outubro de 2022. O Concello informa sobre sobre o sorteo público de prazas do Programa ACTIVA 2022-2023 e apertura de prazo extraordinario solicitudes en actividades con prazas vacantes:
1-Segundo se establece nas condicións para participar nas actividades do programa, a adxudicación de prazas no Centro Cívico realizarase por sorteo entre as solicitudes recibidas para cada actividade unha vez finalizado o prazo de solicitude e diferenciando entre prazas ordinarias e prazas para persoas con discapacidade. Asignarase un número para participar no sorteo por cada solicitude recibida. No caso de presentarse a solicitude de participación conxunta optarán a praza ou a lista de agarda cun único número.
Porén, se non se cubren as prazas para unha actividade concreta non se realizará sorteo e asignaranse segundo a orde de entrada.
O sorteo será público e realizarase mañá día 20/10/2022 ás 12:30 no salón de actos do Centro Cívico-Social para as seguintes actividades:
- Ximnasia acuática 1
- Ximnasia de mantemento 1 e 2
- Competencias dixitais 1 e 2
- Conservando a memoria 2
- Bailes de verbena 2
Tras o sorteo procederase a publicar na páxina web e no taboleiro dos servizos sociais a listaxe de persoas con praza adxudicada e en lista de agarda así como as actividades con prazas dispoñibles.
2-No suposto de que non se cubran as prazas ofertadas nalgunha das actividades, poderase abrir un prazo extraordinario ata completar as prazas nesas actividades. Así mesmo, poderase anular o inicio dunha actividade se non se cubren o 75% das prazas ofertadas finalizado o período de inscripción. Antes de decidir anular unha actividade, desde os Servizos Sociais valoraranse alternativas có fin de promover a súa impartición.
Tendo en conta que existen prazas vacantes nalgunhas das actividades ofertadas procédese a abrir o prazo extraordinario de solicitudes do 24/10/2022 ó 28/10/2022. As persoas interesadas acudirán á Secretaría dos servizos sociais para que informen das plazas dispoñibles e formalizar a súa solicitude exclusivamente segundo o modelo establecido. Na asignación de prazas terase en conta a orde de entrada no Rexistro así como os seguintes criterios de prelación:
- Solicitantes con praza nunha actividade na que o número de solicitudes é inferior a 3 e que se valore imposibilidade de realizala por non cubrir a porcentaxe mínima establecida.
- Solicitantes en lista de agarda, logo da celebración do sorteo de prazas de actividades con máis demanda que oferta de prazas.
- Novas solicitudes de participación por persoas que non solicitaran no prazo ordinario.
- Solicitantes con praza concedida no prazo ordinario (segunda actividade).