A Tenente de Alcalde acompañou ós dous monfortinos galardoados coa distinción ó Mérito Deportivo de Galicia

Monforte de Lemos, 6 de outubro de 2022. A 1ª Tenente de Alcalde, Gloria Prada, asistiu onte mércores 5 de outubro en Santiago ó acto de entrega das Distincións ó Mérito Deportivo 2022, acto que tivo lugar na a Igrexa de San Domingos de Bonaval.

A representante municipal acudiu para acompañar a dous monfortinos que foron recoñecidos con este distintivo, pola súa labor desempeñada a prol da promoción e do fomento do deporte na cidade, Manolo Martínez e Manolo Eiriz.