O Alcalde de Monforte informa da apertura do prazo de matrícula para os Cursos de Verán de Música e Danza que se organizan no Conservatorio de Música Municipal “Mestre Ibáñez”, e que se extende dende o pasado xoves 26 de xuño ata o 22 de agosto.
Ó igual que nas pasadas edicións, os cursos vanse desenvolver en diversas semanas tanto no mes de xullo coma no de agosto. Neste senso, o Alcalde, José Tomé Roca, sinala que “dende o Equipo de Goberno do Concello decidimos manter a celebración destes cursos nos meses de xullo e de agosto, motivados polas necesidades de conciliación familiar dos monfortinos e monfortinas así como para que nenos e nenas poidan desfrutar dunhas vacacións activas practicando, como é neste caso, actividades tanto lúdicas coma formativas relacionadas coa danza e a música”.
Matrícula nos Cursos de verán de danza e música en Monforte
O prezo dos cursos de verán de danza e música, que se desenvolverán no Conservatorio Municipal “Mestre Ibañez” será, para todos os casos, de 25 euros, e neste prezo inclúese que os alumnos e alumnas poderán elixir ata un máximo de dúas materias, de música, danza ou ambas. Do mesmo xeito, poderán participar en máis materias cubrindo outra solicitude. O nivel das diferentes materias será de iniciación ou avanzado. Cada materia terá unha duración dunha hora que se elixirá no momento da inscrición
O prazo de inscrición permanecerá aberto ata o 22 de agosto de 2025, sempre previo ás datas específicas de celebración dos distintos cursos.
A inscrición realizarase na ventanilla da oficina de Rexistro do Concello de Monforte en horario de mañá, aportando a solicitude debidamente cuberta e reservando no momento da inscrición a praza concreta co seu horario específico e en rigorosa orde de chegada.
No caso de realizar a inscrición na sede Sede Electrónica (monfortedelemos.es) :
1º Asignarase a data específica do curso á espera de confirmación da praza e horario por parte do Concello.
2º Despois da confirmación da praza, enviarase o extracto da taxa debidamente pagada por autoliquidación ao correo: cursos.musicaedanza@concellodemonforte.com
As MATERIAS DE MÚSICA estarán dirixidas a alumnos e alumnas a partir de 6 anos de idade e constará de obradoiros de práctica instrumental de especialidades como, guitarra, violín, piano, saxofón, clarinete, frauta doce, frauta travesa, trompeta, trombón, gaita, percusión moderna (batería) e percusión tradicional galega (pandeireta, pandeiro, tambor..).
En piano será preciso traer auriculares, así como un xogo de pinturas nos alumnos e alumnas de ata 9 anos.
En percusión moderna será preciso que o alumno aporte un par de baquetas modelo 5A e unha pelota de tenis.
Polo que respecta á DANZA, estará dirixida tanto a nenos e nenas como a xoves en xeral a partir de 6 anos. Formaranse distintos obradoiros por idades en danza tradicional galega, moderna e clásica.
MATERIAS, DATAS DE CELEBRACIÓN E PRAZAS DISPOÑIBLES
MÚSICA:
Violín - Iniciación e Avanzado (a partir de 6 anos) do 30/06 ao 04/07
Piano 1º grupo - Iniciación e Avanzado (a partir de 6 anos) do 28/07 ao 01/08
Piano 2º grupo - Iniciación e Avanzado (a partir de 6 anos) do 25/08 ao 29/08
Guitarra - Iniciación e Avanzado (a partir de 6 anos) do 28/07 ao 01/08
Saxofón - Iniciación e Avanzado (a partir de 6 anos) do 04/08 ao 08/08
Clarinete - Iniciación e Avanzado (a partir de 6 anos) do 07/07 ao 11/07
Frauta Travesa - Iniciación (a partir de 6 anos) do 07/07 ao 11/07
Frauta Doce - Iniciación (a partir de 6 anos) do 07/07 ao 11/07
Trompeta, Trompa - Iniciación e Avanzado (a partir de 6 anos) do 05/08 ao 09/08
Trombón, Tuba - Iniciación e Avanzado (a partir de 6 anos) do 05/08 ao 09/08
Percusión moderna - Iniciación e Avanzado (a partir de 6 anos) do 30/06 ao 04/07
Gaita e Percusión tradic. - Iniciación e Avanzado (a partir de 6 anos) do 30/06 ao 04/07
Canto e Pandeireta - Iniciación e Avanzado (a partir de 17 anos) do 30/06 ao 04/07
Linguaxe Musical 1º grupo - Iniciación e Avanzado (a partir de 6 anos) do 28/07 ao 01/08
Linguaxe Musical 2º grupo - Iniciación e Avanzado (a partir de 6 anos) do 25/08 ao 29/08
*En piano será preciso aportar auriculares, así como un xogo de pinturas nos alumnos/as ata 9 anos.
**En percusión moderna será preciso que o alumno aporte un par de baquetas modelo 5A e unha pelota de tenis.
DANZA:
Para as materias de danza tradicional e moderna será preciso que os alumnos e alumnas traian as súas propias zapatillas deportivas e en ballet clásico, zapatillas de media punta.
Danza tradicional Galega (a partir de 6 anos) do 04/08 ao 08/08
Danza moderna (a partir de 6 anos) do 18/08 ao 22/08
Ballet clásico (a partir de 6 anos) do 18/08 ao 22/08
Solicitude matrícula Formulario danza