Monforte de Lemos, 8 de setembro de 2025. O Concello de Monforte abriu hoxe o prazo de inscrición tanto na Escola Municipal de Música como na Escola Municipal de Danza para o curso 2025-2026.
O curso dará comezo o luns, 16 de setembro de 2025, e rematará o venres 12 de xuño de 2026.
Para realizar a inscrición, os interesados deberán dirixirse á Oficina de Rexistro do Concello de Monforte de Lemos en horario de mañá, de 09.00 a 14.00 horas, ou ben a través da Sede electrónica do Concello.
Escola Municipal de Música
Inscrición a partir dos 6 anos. As especialidades que se ofertan son as seguintes:
- Percusión Moderna: batería, bongós...
- Percusión tradicional galega: pandeireta, tamboril, bombo e pandeiro.
- Teclado
- Violín
- Guitarra
- Gaita, Clarinete, Frauta, Saxofón
- Trompa, Trompeta, Trombón de varas, Tuba/Bombardino
- Canto Coral
- Canto tradicional galego: canto con pandeireta
- Linguaxe musical
Escola Municipal de Danza
Ofértanse a seguintes especialidades:
- Danza tradicional galega: a partir de 5 anos.
- Danza contemporánea / moderna: a partir de 9 anos.
- Ballet clásico: a partir de 5 anos.
As clases de danza ofertadas contarán cunha didáctica máis académica centrada nas técnicas do desenvolvemento da estabilidade, a rotación, a liña, a expresión..., atendendo ós principios básicos imprescindibles para unha correcta aprendizaxe.
Do mesmo xeito, levarase a cabo unha orientación, si é o caso, cara un ensino de carácter profesional cando as aptitudes e a vocación do alumno/a así o aconsellen.
Formaranse así grupos colectivos por niveis e idade nas 3 modalidades de danza.
Dende o Concello de Monforte inténtase desta forma consolidar, con todas estas materias, unha oferta ampla e variada para a escola, tanto nas disciplinas de música como de danza.
