Monforte de Lemos, 23 de xuño de 2026. O Alcalde, José Tomé Roca, acompañado pola Tenente Alcalde, Gloria Prada, o Concelleiro de Medio Rural e Servizos, José Luis Losada, o Concelleiro de deportes, José Manuel Mougán, e a Concelleira de Muller, Igualdade e Consumo, Regina López, asistiu onte, 22 de xuño ó Auditorio do Edificio Multiusos para presenciar a segunda edición do Festival de Verán a cargo dos Xograres de Lemos.
O festival tal e como explican os componentes da Asociación Cultural, ten como obxectivo promover a cultura, a música e as tradición galegas, ofrecendo un espazo de encontro e convivencia para a ciudadanía e para todas aquelas persoas que valoran e apoian a nosa riqueza cultural.
Como en edicións anteriores, contou cunha gran afluencia de público, que encheu o Auditorio do Edificio Multiusos e como é habitual, o programa desenvolveuse coa interpretación de melodías variadas, a cargo de distintos compoñentes da Asociación, nun festival no que non faltou nin o humor nin a música.