O Concello mantén abertas 73 prazas nas Escolas Deportivas Municipais para o curso 2026-2027 | web Oficial do Concello de Monforte de Lemos

Fecha de publicación 24/09/2026

Monforte de Lemos, 24 de setembro de 2026. Unha vez finalizado o prazo de inscrición nas Escolas Deportivas Municipais que oferta o Concello de Monforte para o curso 2026 – 2027, vense de publicar o listado de persoas admitidas en cada una das actividades.

A oferta deportiva para este curso divídese en actividades para nenos e nenas (entre os 6 e os 15 anos) e actividades para persoas adultas (a partir de 16 anos) cun total de 283 prazas ofertadas.

Concluído este proceso, quedan libres 73 prazas, 30 nas modalidades de persoas adultas e 43 nas de nenos e nenas, polo que aquelas persoas ou familias interesadas teñen aínda a oportunidade de formalizar matrícula nalgunha das actividades con prazas.

• Actividades para nenos e nenas:

Golf
Pádel
Kung Fu
Zumba infantil

• Actividades para persoas adultas:

Ximnasia de mantemento
Tai Chi
Ioga
Zumba

Todas as persoas admitidas poderán comezar as clases na data e no horario indicado para cada actividade. Así mesmo, no caso de que algunha persoa inscrita decida renunciar á praza concedida terá que presentar, a través do Rexistro Xeral do Concello de Monforte, o documento de renuncia. Para este trámite establécese un prazo desde este xoves 24 de setembro ata o 16 de outubro de 2026. No caso de non renunciar á praza concedida entenderase como aceptada e procederase ao cobro correspondente.

Modalidades con prazas aínda dispoñibles

Por outro lado, se algunha persoa que non fixo a matrícula no prazo establecido está interesada nalgunha actividade, aínda pode inscribirse nalgunha das modalidades con prazas dispoñibles:

PERSOAS ADULTAS

MODALIDADE	PRAZAS LIBRES
XIMNASIA DE MANTEMENTO MARTES E XOVES 10:30 – 11:30 H.	7
XIMNASIA DE MANTEMENTO LUNS E MÉRCORES 17:00 – 18:00 H.	6
XIMNASIA DE MANTEMENTO MARTES E XOVES 17:00 – 18:00 H.	3
TAI CHI MARTES (19:45 H.) – VENRES (20:00 H.)	5
IOGA LUNES E MÉRCORES 16:15 – 17:15 H.	5
ZUMBA ADULTOS	4

NENOS E NENAS

MODALIDADE	PRAZAS LIBRES
PÁDEL	10
GOLF	4
KUNG FU	10
ZUMBA INFANTIL	19

A matrícula nas prazas dispoñibles farase directamente na Oficina Municipal de Deportes.

Máis información: 982 875 430 e deportes@concellodemonforte.com

Actividades na piscina climatizada municipal curso 2026 – 2027

No que se refire aos cursos de natación que se ofrecen na Piscina Climatizada Municipal, a día de hoxe están matriculadas un total de 194 persoas nalgunha das 264 prazas ofertadas.

Todas aquelas persoas interesadas en inscribirse nalgunha das prazas que quedan dispoñibles pódeno facer directamente a través da Piscina Municipal.

Máis información: 982 202 965 e apinguela@ideasdebolina.com

8 meses lectivos e un custe de 92,70€ por persoa e actividade

A actividade de cada unha das modalidades deportivas dará comezo no mes de outubro de 2026 e prolongarase ata finais do mes de maio de 2027, completando así un total de 8 meses lectivos.

O custe por modalidade e participante é de 92,70€ por todo o curso, cunha bonificación do 50% para aquelas persoas que pertenzan a familia numerosa.

Requisitos e documentación para a matrícula

Requisitos para participar nas Escolas Deportivas Municipais:

Para participar en escolas de nenos e nenas, ter entre 6 e 15 anos de idade.
Para participar en escolas de persoas adultas, ter 16 anos ou máis.
Estar empadroado ou empadroada no Concello de Monforte
Aceptar e cumprir as condicións establecidas para a actividade.
Non ter impedimentos para a práctica deportiva e asumir os riscos da mesma.

A documentación a presentar é a seguinte:

Modelo de solicitude normalizado SER-DE-125
Fotocopia do DNI do solicitante
No caso de que o solicitante sexa menor de idade fotocopia do DNI do pai, nai ou titor/a que figura como tal na solicitude.
Certificado de titularidade de conta bancaria, no caso de que o modelo de solicitude non estea asinado pola entidade bancaria no espazo correspondente.

ACTIVIDADES NA PISCINA CLIMATIZADA MUNICIPAL CURSO 2026 – 2027

Na piscina climatizada municipal tamén se van a ofertar un número importante de cursos e actividades. En total 264 prazas repartidas en 26 grupos. Os cursos organízanse en tres trimestres e darán comezo a principios de outubro:

CURSO	INICIO CURSO	FIN CURSO	DIAS
INFANTIL I	17:00	17:45	LUNS / MÉRCORES
INFANTIL II	17:45	18:30	LUNS / MÉRCORES
NEN@S I	17:45	18:30	LUNS / MÉRCORES
NEN@S 0	18:30	19:15	LUNS / MÉRCORES
INFANTIL 0	18:30	19:15	LUNS / MÉRCORES
NEN@S II	19:15	20:00	LUNS / MÉRCORES
NEN@S O	17:00	17:45	MARTES / XOVES
NEN@ I	17:00	17:45	MARTES / XOVES
INFANTIL I	17:45	18:30	MARTES / XOVES
NEN@S I	17:45	18:30	MARTES / XOVES
INFANTIL 0	18:30	19:15	MARTES / XOVES
INFANTIL I	18:30	19:15	MARTES / XOVES
NEN@S II	19:15	20:00	MARTES / XOVES
BEBES I	17:00	17:45	LUNS / MÉRCORES
BEBES I	19:15	20:00	LUNS / MÉRCORES
BEBES 0	19:15	20:00	MARTES / XOVES
ADULT@S INICIACIÓN	8:00	8:45	LUNS / MÉRCORES
ADULT@S PERFECCIONAMENTO	9:15	10:00	LUNS / MÉRCORES
ADULT@S INICIACIÓN	20:30	21:15	LUNS / MÉRCORES
ADULT@S PERFECCIONAMENTO	21:15	22:00	LUNS / MÉRCORES
ADULT@S PERFECCIONAMENTO	8:00	8:45	MARTES / XOVES
ADULT@S INICIACIÓN	9:15	10:00	MARTES / XOVES
ADULT@S PERFECCIONAMENTO	20:30	21:15	MARTES / XOVES
ADULT@S INICIACIÓN	21:15	22:00	MARTES / XOVES
XIMNASIA ACUATICA	10:00	10:45	LUNS / MÉRCORES
XIMNASIA ACUATICA	10:00	10:45	MARTES / XOVES