Monforte de Lemos, 18 de xullo de 2026. O Alcalde de Monforte, José Tomé, asistiu este venres á entrega do Premio Empresario Gallego del Año, no marco do Encontro da Toxa, un foro económico, empresarial e institucional organizado anualmente polo Centro de Estudos Superiores Universitarios de Galicia (CESUGA), que se celebra na illa da Toxa (O Grove) e que reúne a representantes do tecido empresarial, do ámbito académico e das administracións públicas para analizar os principais retos que afronta Galicia.
Este ano 2026, o recoñecemento recaeu en Antonio Fontenla, que foi presidente da Confederación de Empresarios de Galicia (CEG) entre 2001 e 2013, e da Confederación de Empresarios de A Coruña (CEC) desde o ano 2000.
Un empresario “de referencia en Galicia”, en palabras do Alcalde, José Tomé, que quixo destacar a traxectoria profesional e compromiso de Antonio Fontenla, “que leva anos contribuíndo ao desenvolvemento económico de Galicia, xerando emprego, impulsando o tecido empresarial e defendendo sempre o potencial da nosa terra”.
Así mesmo, o rexedor destacou a “boa relación” que lle une co empresario galardoado desde hai moitos anos e adiantou que “en breve, nos próximos meses, celebraremos algún acto empresarial importante en Monforte”.