Actualidade

O xoves 4 de decembro ás 20:15 h e no Edificio Multiusos terá lugar a quinta e última das representacións para adultos que a Delegación de Cultura do Concello de Monforte programa no segundo semestre de 2025 na nosa cidade, dentro das actividades da Rede Galega de Teatro e Auditorios da Axencia Galega das Industrias Culturais da Xunta de Galicia.

A compañía CHÉVERE TEATRO presenta HELEN KELLER, A MULLER MARAVILLA? obra coa autoría de Chévere, dirixida por Xrom e cun elenco artístico conformado por Patricia de Lorenzo, Ángela Ibáñez e Chusa Pérez de Vallejo.

Esta obra usa simultaneamente a lingua de signos (LSE) e a lingua oral, sendo accesible para público oínte e público xordo signante. Todas as funcións contan con servicio de audiodescrición. As personas xordocegas que queran asistir á función poden solicitar previamente o material de apoio contactando coa Delegación de Cultura do Concello de Monforte de Lemos. Coa túa entrada podes disfrutar dun paseo táctil, unha hora antes do comezo da función, dirixido soamente a persoas con discapacidade visual. Trátase dunha visita polo escenario para recoñecer o espazo e poder tocar elementos de escenografía, utilería e vestiario, guiada polas propias actrices. Podes solicitar plaza para o paseo táctil contactando tamén coa Delegación de Cultura con anticipación.

Espectáculo 
Helen Keller, a muller marabilla?. Por Chévere Teatro:

Todo comeza cando Chévere Teatro descubre unha muller, totalmente descoñecida para eles, chamada Helen Keller. Nacida en Tuscumbia (Alabama), convértese nunha celebridade mundial ao ser a primeira persoa xordocega en obter un título universitario en 1904 en Harvard, despois dun duro proceso de aprendizaxe desde os sete anos. 

Polo menos esta é a parte da súa vida que fica na memoria colectiva, como un exemplo de superación da discapacidade. E polo que sabemos, a maioría dos seus escritos acaban rescatados como simples aforismos motivacionais. Pero ao investigar en varios arquivos dixitais norteamericanos imos descubrindo outras facetas desconcertantes da súa vida, que son sistematicamente ocultadas. E o máis sorpredente, nos últimos anos espállase polas redes sociais unha campaña que afirma que os logros de Helen Keller son falsos, incluíndo unha petición en charge.org para eliminala da historia.

Este negacionismo actual desencadea a curiosidade necesaria para abordar a súa historia e compartila co público. Por que se oculta parte da súa vida? A quen lle interesa facelo? Por que queren eliminala da historia? Porque é unha muller, xorda e cega? Porque non se acepta que unha das persoas máis famosas do século XX en EE.UU. sexa comunista? Porque unha muller con discapacidade non se pode converter nunha líder anticapitalista?

Son preguntas que tratan sobre a posibilidade da rebeldía e a disidencia na nosa sociedade. Sobre a posibilidade de ser considerada unha muller marabillosa e ao mesmo tempo poder vivir simplemente como unha muller independente e autónoma. Sobre a posibilidade de aceptar que sexa unha muller xorda quen rache os silencios sociais ou que sexa unha muller cega quen abra os ollos da sociedade diante da inxustiza que nos rodea.

Este tamén é un traballo que cuestiona a in-comunicación entre persoas oíntes e non oíntes, explorando as posibilidades de compartir unha conversa aberta no escenario, como unha silenciosa reivindicación da importancia das linguas minorizadas, do seu uso público e do seu encontro. Por iso integramos na mesma obra a lingua falada en galego e a lingua de signos. Porque queremos chegar a públicos que quedaron sempre fóra do noso teatro. 

Porque sabemos que colocar simplemente uns subtítulos non significa que a obra sexa accesible para persoas xordas. Porque queremos confrontar ao público oínte coa realidade das persoas xordas, a súa lingua, a súa cultura e a súa marxinación. Porque queremos xuntar na mesma sala e en igualdade de condicións a persoas oíntes e persoas xordas.

O resultado é unha obra construída coma se fose o titorial dun xogo. As actrices actúan como avatares doutras posibles xogadoras (o público), executando no escenario as instrucións e impulsos que se van dando a través duna serie de textos proxectados, que funcionan como unha voz narradora anónima que tamén interpela ao público. A nosa obra-titorial ofrece unha demostración en directo de como se pode xogar, dando como resultado unha das posibles obras que se poderían facer sobre Helen Keller.

O prezo da entrada xeral para esta obra será de cinco euros e tres para desempregados, xubilados e estudantes.

Do 9 de decembro de 2025 ó 9 de xaneiro de 2026 e na Sala de Exposicións da Casa da Cultura Poeta Lois Pereiro poderase visitar a tradicional mostra de BELÉNS. 

A exposición consta de dous beléns mixtos, un cunha temática galega e outro árabe. Estas montaxes conforman iste ano a montaxe de D. J. Antonio Dávila.

O ciclo de teatro do Concello de Monforte previsto para el último trimestre del año 2025 continúa adiante.

O Concello de Monforte xunto coa Deputación Provincial de Lugo Vicepresidencia Cultura organiza dentro do seu Circuito de Teatro Profesional e no salón de actos do Edificio Multiusos unha representación teatral con entrada libre e gratuita para un público adulto de máis de 15 anos coa compañía LOIA PRODUCIÓNS e a obra "MARÍA VISITACIÓN CONSOLACIÓN AMADORA", a actividade será o xoves 11 de decembro ás 20:30h.

A obra dirixida por Paloma Lugilde, baixo a autoría de Paloma Lugilde e Aida Cobas en creación colectiva está interpretada por Paloma Lugilde e Aida Cobas.

Esta peza pretende amosar a vida desas mulleres que, dentro do contexto complexo que lles tocou vivir, conseguiron ter certa autonomía e incluso chegar a gañar máis que os homes en anos nos que isto era inaudito: as costureiras. 

Como reaccionou a sociedade ante este feito? Ponse o foco en diferentes costureiras da Comarca da Ulloa, abordando o cooperativismo e a soidade, a costura como traballo e/ou expresión artística, a memoria e a industria téxtil. Elas creaban harmonía co medio, remendando, tratando de compoñer traxes cos restos das teas, artellando da mellor maneira que podían co pouco que había, na contra da nosa actual cultura do usar e tirar. Elas comportan parte do noso patrimonio cultural.

O Concello de Monforte de Lemos dentro das actividades do NADAL 2025-26, programou o tradicional CONCURSO DE BELÉNS PARA CENTROS DE ENSINO DE MONFORTE DE LEMOS.

Bases:

1-  A Delegación de Cultura do Concello de Monforte de Lemos, convoca un CONCURSO DE BELÉNS PARA CENTROS DE ENSINO DE MONFORTE. 

2- Poderán participar todos os centros de ensino monfortinos que o desexen, soamente se permitirá a presentación dun belén por centro.

3- Valorarase a orixinalidade, o traballo e a presentación artística.

4- As solicitudes de inscrición para a participación no certame presentaranse no Rexistro Xeral do Concello de Monforte, sendo o derradeiro día o 12 de decembro ás 14:00 h. Todas aquelas solicitudes presentadas fóra deste prazo serán desestimadas calquera que sexa a causa do seu atraso.

5- O XURADO cualificador do concurso visitará os centros participantes o 15 de decembro e a súa decisión será inapelable. Os premios faranse públicos o 16 de decembro nos medios de comunicación.

O xurado estará composto por:

PRESIDENTE: A Delegada de Cultura ou persoa á que designe.
VOCAIS: Persoas relacionadas coa cultura local.
SECRETARIO: O técnico de Cultura do Concello de Monforte, con voz e sen voto, que certificará o cumprimento das condicións establecidas nas bases do concurso.

O xurado terá liberdade de criterio para establecer as súas cualificacións, sendo os criterios a valorar os seguintes: a montaxe, a elaboración, os materiais utilizados, a orixinalidade o interese etnográfico e calidade do belén.

6- A participación neste concurso supón a total aceptación das bases e a súa interpretación correspóndelle exclusivamente ó Xurado, sendo a súa decisión inapelable.

7- PREMIOS

Haberá un primeiro, un segundo, un terceiro premio e un accésit.

Se o xurado o considera oportuno poderá conceder dous primeiros, dous segundos, dous terceiros premios ou tres accésits, sempre que a suma total dos premios concedidos no concurso non supere os 700 €.

Os premios serán indivisíbeis e poderá quedar deserto algún deles, segundo a decisión do xurado do concurso. 

/1º premio de 150 euros  /2º premio de 100 euros  /3º premio de 75 euros  /Accésit 50 euros

Os aboamentos dos premios serán tramitados na forma indicada pola Tesourería do Concello de Monforte de Lemos, a través dunha transferencia bancaria.

O xoves 18 de decembro ás 18:00 h e no Edificio Multiusos, nenas e nenos de diferentes centros de ensino interpretarán composicións musicais de Nadal dentro da Mostra de Panxoliñas para Centros de Ensino de Monforte de Lemos organizada pola Delegación Municipal de Cultura.

A mostra, que se desenvolve en todas as edicións con grande éxito, chega este ano á súa vixésima quinta convocatoria e ten como fin un ano máis espertar a afección ao canto coral e á música entre os nenos e nenas dos centros de ensino da cidade.

O Concello de Monforte de Lemos integrado nos Circuitos de Teatro Afeccionado e Profesional da Deputación Provincial de Lugo Vicepresidencia Cultura presenta a obra O BOLETO do Grupo de Teatro monfortino VIRAVENTOS. O espectáculo terá lugar no salón de actos da Casa da Cultura Poeta Lois Pereiro o sábado 20 de decembro ás 20:¡00h con entrada libre e gratuíta.

Sinopse

No corazón dun pequeno pobo galego, onde a rutina e a amizade van da man, a vida dá un xiro inesperado cando a peña da loteríalocal resulta gañadora do maior premio da historia. A alegría é inmensa, as copas corren e os soños empezan a tomar forma, Pero ao día seguinte da celebración, unha nova abanea a comunidade: Lisardo Cacheira, o veciño de confianza e custodio do boleto premiado, aparece morto en circunstancias estrañas. A obra desenvólvese no tanatorio do pobo, onde os veciños e veciñas, entre bágoas, lembranzas e sospeitas, intentan despedirse de Lisardo .... e desentrañar o misterio. Que pasou realmente esa noite? Onde está o boleto da sorte? E se a fortuna non só trouxo alegría, senón tamén cobiza?.

Unha comedia de enrredo e suspense, onde cada personaxe agocha máis do que parece, e onde a verdadeira natureza das relacións saen á luz cando hai millóns en xogo.

Escrita e dirixida por: Candela López e Marcos Vázquez. Elenco: Elena Arnaiz como Elena, Ángeles Bande como Elisa, Juan Castro como Juan ou Señor Alcalde, José Ramón Cid como Edesio, Fina Díaz como Fina, Manuela Fuentes como Manuela, Teresa González como Teresa, Ángeles Martínez como Ángeles, Antonio Martínez como Antonio, Pury Conde como Mari, Pili Rodlos como Pili ou viuva, Gonzalo Rodríguez como Padre Gonzalo, Josi Rodríguez como Josi e Marina Vidueira como Marina.

O Concello de Monforte de Lemos e dentro da programación do Nadal 2025-26, programa un ESPECTÁCULO TEATRAL PARA PÚBLICO INFANTIL-FAMILIAR titulado NADAL EN PRÁCTICAS da compañía LALÁ TEATRO, espectáculo que terá lugar na casa da Cultura Poeta Lois Pereiro o martes 23 de decembro ás 18:00 h. 

Nadal en prácticas é un contacontos interactivo onde todos participan, pequenos e maiores, mediante contos, cancións e diferentes actividades.

Nolitas é unha Elfa un pouco peculiar, este nadal está en prácticas e a pique de afrontar a súa proba de "COEN" certificado oficial a Elfo do Nadal. Pero para isto vai precisar axuda. Haberá que colaborar con ela nas diferentes probas que ten que pasar, como crear xoguetes, cantar panxoliñas, recibir as cartas cos desexos de nadal e ata facer un exame teórico. Será capaz Nolitas de conseguir este nadal o seu certificado de Elfa?

A representación teatral está deseñada para público infantil familiar nenos/as de máis de 3 anos, con entrada libre e gratuita.

Monforte de Lemos terá o vindeiro mércores 24 de decembro a visita do APALPADOR, os monfortinos xunto cos visitantes a nosa cidade poderán disfrutar deste típico personaxe polas rúas de Monforte dende ás 11:30h, o Apalpador virá acompañado dun músico amigo seu.

O Apalpador, o mítico personaxe da tradición popular galega, nado no Courel, ligado ás festas do Nadal, grandullón, bo, de mirada doce e longas barbas coloradas, que durante o ano fabrica carbón, vive dos froitos silvestres, da caza de xabaríns, que recolle mel e fai aparecer coas ramas dos bosques os xoguetes que as madeiras esconden, percorrerá co seu abrigo cheo de remendos e a grandes zancadas xunto cun músico amigo seu as rúas da nosa cidade de Monforte a mañá do 24 de decembro.

Esta animación corre a cargo de Anxo Moure (apalpador) e Servando Barreiro (músico).

O Concello de Monforte de Lemos e dentro da programación do Nadal 2025-26, programa un ESPECTÁCULO TEATRAL PARA PÚBLICO INFANTIL-FAMILIAR titulado O LADRÓN DE XOGUETES da compañía TÍTERES CACHIRULO, espectáculo que terá lugar na Casa da Cultura Poeta Lois Pereiro o venres 26 de decembro ás 18:00h.

O Apalpador vén visitarnos en compañía de todos os seus amigos, cunha nova e divertida aventura!. O ladrón Pasmón rouba todo o que pode e agora anda tras os xoguetes dos nenos e nenas, quen o impedirá?.

A representación teatral -monicreques de mesa, está deseñada para público infantil familiar nenos/as a partir de 3 anos, con entrada libre e gratuita.

O Concerto de Corais que supón ano tras ano unha cita tradicional e moi querida polos monfortinos e monfortinas dentro da programación do Nadal 2025, terá cita o sábado 27 de decembro ás 19:00h na Casa da Cultura Poeta Lois Pereiro coa actuación das corais CORAL POLIFÓNICA DE CHANTADA e a CORAL POLIFÓNICA CONCELLO DE MONFORTE.